Hindi ko hilig ang kumuha ng gawa ng iba. Lahat ng nabasa ninyo dito ay natural na galing sa utak at puso ko. Ngunit sa unang pagkakataon, hayaan nyo akong ibahagi ang isang tulang alam kong pupukaw (muli) sa inyo, at muling gigising sa natutulog nyong diwa! Ito ay ginawa ng isang kaibigan...
Kasabay nang pagbuhos ng ulan…
Una mong ilalatag ang iyong katawan…
Kasunod nito ang papaibabaw ako…
Aking kaputian ay lalapat sa iyong kaitiman
Sa pagbuhos ng init…
Unti-unting iikot…gigiling…gugulong…
Hanggang mga katas natin ay papag-isahin…
Ikaw ang mangingibabaw…
Sa tapang mo ako’y matutunaw…
Sasambulat ang iyong kulay at amoy…
At sa paghupa ng ating pagniniig…
Mapupukaw ang natutulog na isip…
Madidinig ang kanilang sambit…
Aaaahhhh…kaysarap talaga ng kape…
Lalo na sa maulang gabi…
_____________________________________
.jpg)
