YOU

You are my life’s mystery…

so endearing

so charming…

so sweet…

You are my destiny…

so compassionate…

so tolerant…

so tough…

You are my fate…

so encouraging...

so undefeated…

so bright…

I know you are…

hot-tempered,

intolerant,

envious

and loud.

Still…

You are my life’s mystery…

You are my destiny…

You are my fate…

(....for I have never loved you less!)

KAHIT NA...

Kahit na…

Sa dilim ay hindi makakita,

Dadamhin ko pa rin ang iyong presensya.

Kahit na…

Tinig mo’y hindi malinaw sa tenga

Pakikinggan ko pa rin ang musika.

Kahit na…

Maging abala sa umaga

Sa isip ko’y bubuuin ang iyong ganda.

Kahit na…

May araw na hindi ka makita

Magababalik-tanaw ako sa mga ala-ala.

Kahit na…

Lumayo ka at iwan akong mag-isa

Sa pagbabalik mo ay patuloy akong aasa.

At kahit pa…

Iwalay ka ng panahon at pagkakataon

Hahabulin ka ng puso ko saan man humantong!

BLANGKO

Gusto kong gumuhit ng larawan ng pag-big

ngunit madilim ang kapaligiran

hindi ako makakita ni katiting na liwanag

wala akong matanawan.

Gusto kong magsulat ng maliligayang sandali

ngunit tanging itim ang naaalala

nahihirapan ang puso ko na doo'y mamalagi

wala akong matandaang ngiti at saya.

Gusto kong lagyan ng himig ang bawat titik

ngunit nagiging taghoy ang awit

hindi makagawa ng sariling nota

walang ligaya ang musika.

Hanggang sa ngayon, mula noon

nanatiling blangko ang papel.

walang maisulat, maiguhit, maisatinig.

'pagkat ang ulirat ko'y hindi na nagbalik.

PANGATLONG HINAGPIS

pumikit ka...
damhin mo ang mga palad kong pinalamig ng panahon
isipin mo ang mga ngiti ng kahapon
bawat halakhakan at mga taghoy.

pumikit ka...
balikan mo ang sandaling nagpalutang sayo sa alapaap
mga kaganapang noon ay isa lamang pangarap
at mga talang di mo maapuhap.

pumikit ka...
muli mong tanawin ang madilim na ulap
noong panahong kinailangan mo ng paglingap
at mahihigpit na yakap.

sa muli mong pagmulat,
katotohanan ay muling sasambulat
ang sugat ay muling magnanaknak.
at gagamutin sa paraang TAMA at DAPAT.

nawa'y di ka mabulagan
sa nakakasilaw na katotohanan
at sa mga alikabok na nagkalat sa daan
upang ikaw ay ganap na matauhan.

kung sakali mang
mabalot ng dilim ang iyong mga mata
mga tala man ay di mo na muling makita
damhin mo ang init ng aking mga palad
sabay tayong maglalakad.

gagabayan kita.
aakayin.
aalalayan.
hanggang matagpuan mong muli
ang iyong sarili
sa aking mga kamay...

...at muling nanumbalik ang aking ulirat...

UNANG HINAGPIS
PANGALAWANG HINAGPIS

labing-walong araw bago magpasko
ikalawang araw ng pagluluksa